Vota pa Zane

Mi ker contribui na e bienestar di tur hende cu ta biba na Den Haag. Esaki ta e motibo cu mi ta candidato pa e conseho municipal (gemeenteraad) di Den Haag. Mi a muda for di Aruba pa Hulanda na 2012 cu e deseo pa studia, traha y bay dilanti den bida. Mi sa cu valioso e ta ora e oportunidad aki ta alcansabel. Lastimamente, ainda nos tin pobresa di oportunidad na Den Haag. Mi ta kere den un stad unda tur hende, sea nan a bini di leu of a nace aki, ta ricibi e oportunidad y espacio pa mejora nan bida.

E comunidad caribense den Den Haag ta grandi y tin retonan comunal den e terenonan di educacion, trabao y hogar. Anualmente, mas cu 100 studiante for di nos parti caribense di e Reino – Curaçao, Aruba, Bonaire, Sint Maarten, Sint Eustatius y Saba – ta muda pa Den Haag pa studia. Lastimamente, solamente 40% di nan ta logra caba nan estudio y haya un diploma. Nos studiantenan ta lucha cu integracion, tin hopi dificultad cu idioma Hulandes y no sa e caminda pa e 'loket corecto' pa yudansa y apoyo di gobierno. Ademas, hayando un stage, un prome trabou of un cas ta desafionan grandi pa nos studiantenan. Esnan nobo den nos stad – di leu of cerca – tambe ta enfrenta desafionan similar. Mi ta considera esaki inhusto: mi meta ta pa Den Haag bira un stad unda Antianonan y residentenan nobo ta wordo yuda y facilita pa nan por bay dilanti.

Mi ker contribui na e bienestar di tur hende cu ta biba den Den Haag, cu atencion particular pa personanan cu tin un voz menos grandi y cu no ta semper wordo skucha, manera nos comunidad caribense y residentenan nobo.